سكربت MegaFFmpeg

السلام عليكم ورحمة الله وبركاتة

بداية دى اول تدوينة بعد اخر تدوينة كتبتها فى 11 اكتوبر 2009 يعنى اكتر من سنة .. مش عارف لية مش بدون واكثر من مرة افتح البلوج واجى اكتب احس انى مليش نفس مش عارف لية …..

النهاردة هكتب تدوينة عن سكربت MegaFFmpeg دة الاصدار الجديد من FFMPEG-Installer اللى كنت عاملة زمان .. وطبعا معملتش اى ابديت فية من ساعتها غير حل بعض المشاكل وكتبت عنها هنا

النهاردة هكتب عن الاصدار الجديد اللى سميتة MegaFFmpeg لان فية فيتشر كتير جدا مختلفة تمام عن اى سكربت ..

طبعا هو بيعمل انستول للمكتبات المطلوبة كلها لاى سكربت فيديو او موقع لتحويل الميديا بس الجديد انة بيعمل تشيك على المكتبات نفسها قبل ما يركبها

وتقدر تعمل تشيك بالسكربت على المكتبات اللى متركبة عندك بالفعل علشان ميحصلش اى تداخل فى المكتبات لما تتركب اكثر من مرة ..

الشئ الثانى انى هعتمد حاليا على yum سيرفر خاص بيا علشان اللينكات لما تقع وابقى محافظ على عمل السكربت اكبر قدر ممكن  طبعا انا مش uptime 100% بس بنحاول نبقى 100% هههههههه

الجديد برضة فى الاصدار دة انك تقدر تركبة على Centos/ubuntu وسواء كان بتستخدم cPanel او لا

وكمان تقدر تركب مكتبة بشكل منفضل يعنى مثلا انت سكربت الفيديو اللى بتستخدمة محتاج 4 مكتبات ffpmeg و flvtool2 و MP4Box بس

لية تركب كل المكتبات اللى فى السكربت اللى وصلت ل 25 على ما افتكر (فية سكربتات بتحتاج الكمية دى بالاخص السكربتات اللى بتعمل تحويل لملفات الميديا  بشكل واسع ) .وبكده متبقاش مجبر انك تنزل كل الكلام دة على سيرفرك ….

ان شاء الله انا شغال فى السكربت ادعو ربنا يقدرنى واخلصة فاقرب وقت ..  وفية حاجات كتير هنزلها قريب وبشكل جديد كليا

السلام عليكم