لو كنت حاكم الانترنت

انا خيلت نفسى حاكم الانترنت وفكرت ايه القوانين اللى هفرضها على المستخدمين وفيما يلى القوانين

1. كل من يستخدم Internet Explorer 6 يحاكم محاكمة عسكرية ويعدم رميا بالقلل.
2. كل المواقع لازم تعدى اختبارات معينة قبل النشر والاختبارات هتكون فى سرعة تحميل الصفحة وتوافقها مع معايير w3c .
   
3. كل ال Spammers يتجمعوا فى مدينة واحدة ونفجرهم نوويا .
4. تدمير كل حاجة معموله بالفلاش مع اعطاء فرصة 3 اشهر للمبرمجين انهم يعدلوا برامجهم ومواقعهم للعمل بتكنولوجيا اخرى .
5. عمل اختبارات يجب ان يتجاوزها كل من يريد استخدام الانترنت عشان ميبقاش فى ناس زى  ده .
   
6. اى دومين يطلبه الحاكم – اللى هو انا- ياخده بدون ادنى مناقشة .
7. عمل اختبارات اكثر صرامة لكل من يريد عمل موقع عشان ميبقاش فيه ناس زى ده .
   
8. هصدر قرار بالغاء الدردشة الصوتية والكتابية والمحاكمة العسكرية لمن يخالف الامر  .
9. هاخد دومين مايكروسوفت وهحط index اكتب عليها Life Free Or Die Hard .
10. هقفل كل المواقع العربية اللى محتواها متكرر .
11. هلغى التحميل المباشر من النت كلة ازاى متعرفش والكل يستعمل التورنت بس علشان الناس تتعلم المشاركة والتعاون .
12. هقفل الفيس بوك وهاى فايف وتاجد  وكل المواقع الجزمة دى اللى بتضيع وقت .
13. هحط اعلان لموقعى فجوجل ()فتحة وقفلة   بوب اب يعنى ماهو النت بتاعى ولو محطوش هفرض عليهم ضرائب   .
14. هقفل مواقع الهاكر العربية لان مش ليها لازمة وبتخلى الاطفال يدخلوا يقولوا تم الدعس ونحن نفعل ما نقول .