Latest Posts

مش عارف دة صح ولا غلط

هل العقاب بالقانون يبقى كده ؟؟؟

هل جزاء المذنب سلب اداميتة ؟؟؟

لو كان هو دة العقاب فى مصر يبقى طظ

حتى العيال مخلصوش من الداخلية والظباط

حاجة تقرف والله العظيم

انا مش هتكلم اكتر من كده

بس الظاهر ان ظباط الشرطة بيتلذذوا بحاجة اسمها تعذيب

حرام اللى بيحصل دة

مش للدرجة دى كرامة الانسان بقت تحت التراب

اسيبكم مع الفيديو

السلام عليكم

ماهى حقوق الانسان ؟؟

حد دخل قسم شرطة قبل كده . مش شرط يكون مجرم يعنى انا قصدى مش معاه بطاقة الظابط
معجبوش شكلك يعنى دخلت بسبب من الاسباب المعروفة اليومين دول

طيب حد شاف الفيديو اللى متصور فى قسم شرطة الهرم اللى فية الظباط بهدلوا واحد
ومتهم بقى مش متهم بس مش للدرجة دى

شوفو الفيديو
 

دلوقت لو الراجل دة مجرب واللى اتقال واللى انا اشك فية وانة مش اكتر من حكاية
علشان يخلقوا عذر للظباط اللى عملو كده مع انة مش عذر برضة

قالوا انة اغتصب بنت عندها 12 سنة

ما علينا مع انها حكاية متخشش العقل علشان لو هو فعلا عمل حاجة زى كده والظباط دول
بيضربوه بالهمجية دة وبالاستخفاف بأنة انسان مكنوش عذبوة بطريقة سخرية كده

باين جدا من الفيديو انهم كانوا اعدين فاضيين الظاهر سايبين البنات بيتبهدلوا فى
الشوراع واعدين فى القسم يسلوا نفسهم

هقلقو حاجة

الضرب دة اسمع انة بيحصل من زمان وبأكتر من كده

بس اللى بنتكلم فية النهاردة انهم يصوروا الموضوع كده عادى وكأنة مشهد مضحك

ومش معنى كده انى بشجع انهم يضربوا اى حد كده حتى لو اذتب لان المفروض فية قانون
هياخد حق المظلوم ( دة المفروض طبعا )

بس حرام اللى بيحصل فينا دة بجد

صباح الفل ومية مسى كمان عليكى يا داخلية

لما يبقى حاميها حراميها ولما يبقى حاميها قرنى يبقى نهج من البلد احسن علشان انا
مش ضامن اللى بيحصل دلوقت يحصل فمين تانى يمكن يكون لحد قريب منى ومش هستحمل اكتر
من كده

طبعا الكل عارف ماساة العيد

اللى كان بمعنى اصح يوم التحرش الجماعى المصرى

من صغير لكبير واى حد بيقدر يعمل حاجة بيعملها

واللى يخليك تموت من الغيظ ان الداخلية واقفة تتفرج مبسوطين من الموضوع

ان شاء الله ربنا هيوريهم زى ما بيشوفوا كده

هيحسوها فحد قريب منهم دا اذا مكنش حصل اصلا

اسيبكم مع الفيديو وشوفو كده الداخلية عملت اية

وصباح الخير يا داخلية

مهزلة يا جماعة اللي زميلي في الشغل بيحكيهالنا و اللي حصلت في شارع الهرم امبارح بعد ماتش الأهلي.. نفس اللي حصل في وسط البلد على أفظع و أعداد أكبر و حالة خارج نطاق السيطرة تماما.     

بيقول ان الشباب بالمئات و ما يقرب من الألف كمان يتلموا على واحدة او اكتر من اللي في الشارع و يفعلوا بيهم الأفاعيل (و حطوا تحت الأفاعيل دي كل ما تتخيلوا ان يصل إليه استفراد مجموعة مش صغيرة العدد ببنت أو أكثر) و طبعا ماحدش عمره هايدخل في وسط الشباب الجامحين دول عشان ينقذ بنت.. و لكوا ان تتخيلوا اللي حصل للبنات دول.. و مش هاكمل  

زميلي بيوصف و يقول انهم كانوا بيرددوا نفس الهتاف البذئ بتاع وسط البلد – بس طبعا ماقالش هو ايه  و يشاوروا على واحدة أو اكتر و يهجموا كلهم عليها.. و لا حول و لا قوة الا بالله  

ده غير انهم كمان كانوا بيهاجموا العربيات اللي في الشارع نفسه، و سواء عائلات او لأ بيقول كانوا بيشيلوا العربية اللي فيها حريم من ع الأرض شيل.. و في عربيات كسروا إزازها و هاجموا اللي فيها. 

حاجة أخيرة قالها زميلي – و العهدة على الراوي - انهم كانوا بينقوا البنات اللي لابسين لبس ملفت و كانوا ما بيقربوش من اللي لبسهم محترم. 

طبعاً دى اغنيه شهيرة جداً لواحد معرفوش.. عشان محدش يفهمنى غلط ..

بس فعلاً اليومين دول لو لاحظتم انه فى حاجات كتير ماشية بمبدأ اديك تقول ما اخدتش ..

اااااه ربنا يعين ..

متضايق ومافيش حاجة فى دماغى عشان ادونها ..

رغم ان الأحداث كتير .. بس حاسس بشلل فى نافوخى ..

طبعاً على رأي عادل امام ..

المخ فيه 4 سلهابيس ..

2 مصرى واتنين تايوانى ..

بتوع تايوان واحد بيدى كهربا والتانى بيدى مغماطيس ..
المصرى واحد بيدى عسل والتانى بيدى طحينة ..

الكهربا والمغماطيس مع العسل والطحينة بيعملوا انشكاح فى البلؤلؤ ..

وانت ماشى اول ما تشوف حمار تقول عليه ” اخويا .. اخويا .. ”

ودا بسبب اننا ماشاء الله بنسكت على حقوقنا ..

اوعى تفكرونى بشتمكم ولا حاجة ..

بالعكس ..

على فكرة الحمار كائن زكى جداً جداً .. وبييجى فى وقت بيحرن وما بيكملش مسيرته لما يحس ان صاحبه ظلمه ..

وصاحبه بيضربه لما بيحرن ..

احنا كمان لما بنحس ان اصحابنا ظلمونا ” الحكومة ” بنحرن .. بس بيدونا على دماغنا اكتر ..

فبنرجع تانى نقول اسفين وبنقدم فروض الطاعة ..

عشان كدا فعلاً ..

أديك تقول ما اخدتش ..